*સ્વાભિમાન ....*

 *સ્વાભિમાન ....*

સાંજનો સમય ..

તોય સાડાસાત વાગ્યા હતા...

એજ હોટેલ, 

એજ ખૂણો, 

એજ ચા અને એજ સિગરેટ, 

એક કશ અને એક ઘૂંટડો ... 

સામે બીજા ટેબલ પર એક માણસ અને આઠ દસ વરસની એની છોકરી ..

શર્ટ પણ ફાટેલો અને એના જેવો જ ઉપરના બે બટન પણ ગાયબ ,

મેલી ઘેલી પેન્ટ થોડીક ફાટેલી,

રસ્તો ખોદવાવાળો મજુર હોવો જોઈએ ....

 

છોકરીએ સરસ બે વેણી નાખેલી, ફ્રોક થોડો ધોયેલો લાગતો હતો.... 

એના ચહેરા પર અતિશય આનંદ...

અને કુતૂહલવશ એ બધી જગ્યાએ આંખો મોટ્ટી મોટ્ટી કરીને, આંખો ફાડીફાડીને જોતી હતી ...

માથા પર ઠંડી હવા ફેંકતો પંખો ........ બેસવા માટે એકદમ પોચો પોચો સોફા,,,,એના માટે સુખની સીમા જાણે ...

વેઇટરે બે સ્વચ્છ ગ્લાસ એકદમ ઠંડુ પાણી મુક્યું ...

દીકરી માટે એક ઢોંસો લાવજો ને, 

એ માણસે વેઇટરને કીધુ ...

દીકરીનો ચહેરો વધુ ખીલ્યો ..

અને તમને ....

ના ના, બેટા મને કશું જ નહીં ...

ઢોંસો આવ્યો, 

ચટણી સાંભાર જુદો,

ગરમાગરમ મોટ્ટો ફુલેલો ..

છોકરી ઢોંસો ખાવામાં એકદમ મશગુલ, 

એ એની સામે કૌતુક થી જોતાં જોત઼ પાણી પીતો હતો ....

એટલામાં એનો ફોન વાગ્યો ...

આજકાલની ભાષામાં ડબ્બા ફોન...

એ મિત્રને કહેતો હતો, 

આજે દીકરીનો હેપ્પી બર્થ ડે છે ...

એને લઈને હોટેલમાં આવ્યો છું ..

નિશાળમાં પહેલો નંબર આવીશ તો, તને મોટી હોટેલમાં મસાલા ઢ઼ોંસા ખવડાવવા લઈ જઈશ, એવુ કીધું હતું...

એ ઢોંસો ખાતી હતી.. 

થોડો પોઝ ....

ના રે... બંને માટે ..તો.. કેમ.. પોસાય ?...

ઘરે દાળભાત છે ને મારા માટે ...

ગરમાગરમ ચાની ચુસકીથી દાઝતાં, હુ ભાનમાં આવ્યો ..

ગમે એવો હોય બાપ...!! 

શ્રીમંત કે ગરીબ પણ, 

દીકરીના ચહેરા પર સ્મિત જોવા માટે કાંઈ પણ કરશે ..

મેં કાઉન્ટર પર ચા અને બે ઢોંસાનુ બીલ આપ્યુ્ અને કીધુ્ ..

હજુ એક ઢોંસો અને ચા ત્યાં મોકલો ..

બીલ કેમ નહીં, એવું પૂછે તો કહેજો .... 

આજે તમારી દીકરીનો જન્મદિવસ છે ને ....

તમારી દીકરી નિશાળમાં પહેલી આવી છે ને ....

અમે તમારુ બોલેલુ સાંભળ્યું .....

માટે અમારી હોટેલ તરફથી ખાસ ....

આમ જ ભણજે બેટા ....

આનું બિલ નથી .....

પણ ....... પણ .....

*મફત આ શબ્દ વાપરતા નહી*...

*એ બાપનુ સ્વાભિમાન મારે દુ:ખવવું નહોતુ* ....!!

અને હજુ એક ઢોંસો એ ટેબલ પર ગયો ..

હુ બહારથી જોતો હતો ..

બાપ બઘવાઈ ગયેલો હતો, બોલ્યો ....

એક જ કીધુ હતુ મેં ...

ત્યારે મેનેજરે કીધુ ...

અરે, તમારી દીકરી નિશાળમાં પહેલી આવી, અમે એ સાંભળ્યુ .. 

માટે હોટેલ તરફથી આજે બંનેને ફ્રી ...

બાપાની આંખોમાં પાણી આવ્યું, દીકરીને કીધુ  ...

જો આવી જ રીતે ભણીશ તો શુ શ઼ું મળશે ....

બાપા એ વેઇટરને કીધું

આ ઢોંસો બાંધી (પાર્સલ) આપશો કે ? ...

હું અને મારી પત્ની ,અમે બન્ને અડધો અડધો ખાઈશું .... 

એને પણ કયા આવુ ખાવાનુ મળવાનું ...

અને હવે મારી આંખોમાં પણ ખળખળ પાણી આવ્યું ....

*અતિશય ગરીબાઈમાં પણ માણસાઈ જાળવતા માણસો છે હજી*  .........