Fabric technique that makes things more durable and cheaper || KALPESH CHAVDA વસતુઓ વધુ ટકાઉ અને વધુ સસ્તી બનાવતી ફેબ્રિક ટેકનીક

વસતુઓ વધુ ટકાઉ અને વધુ સસ્તી બનાવતી ફેબ્રિક ટેકનીક 

ફેબ્રક ટેકનીક પર આધારિત સંશોધનો સસ્તા ' અને ટકાઉ હોવાને કારણે ખૂબ જ ઝડપથી લોકપ્રિય બની રહ્યા છે . ભારતીય વિજ્ઞાનીઓએ આ ટેકનીકની મદદથી વિમાનમાં બળતણનો વપરાશ ઘટાડવાથી માંડીને હૃદયના કૃત્રિમ વાલ્વ , આંખોનો કોર્નિયા અને સેલ્ફ ક્લિનિંગ કપડા તૈયાર કરવા સુધીની ટેકનીક વિકસાવી લીધી છે . સહુથી પહેલા તો ફેબ્રિક ટેકનીક શું છે એ વિશે જાણવું ખૂબ જ જરૂરી છે . શું તમે સ્કૂટર કે કારના ટાયરને ફાડયું છે ? જો હા , તો ફોડયા પછી તમે એક રેસા જેવું પડ જોયું હશે . આ રેસા જેવું પડ એ જ ફેબ્રિક ટેકનીક છે . આ પડ જેવા દેખાતા ફેબ્રિકમાં ખૂબ જ તાકાત રહેલી છે . આ ટેકનીકથી પોલાદથી બનેલા એરોપ્લેનનું વજન 60 થી 80 ટકા અને એલ્યુમિનિયમની બોડી તેમજ સ્પેરપાર્ટસવાળા પ્લેનનું વજન 20 થી 30 ટકા જેટલું ઘટાડી શકાય છે . જો પ્લેનનું વજન 30 ટકા ઓછું થાય તો બળતણના વપરાશમાં 15 ટકા જેટલી બચત થઈ શકે છે . ફેબ્રિક ટેકનીકમાં 80 ટકા રબર અને 20 ટકા રેઝિનના મિશ્રણથી ટેકસ્ટાઈલ સ્ટ્રકચર્ડ કમ્પોઝિશન ’ તૈયાર કરવામાં આવે છે . આ ટેકનીકની ખાસિયત એ છે કે એનાથી વસ્તુના ઉત્પાદન માટેનો સમય પણ ઘટી જાય છે . ચંડીગઢથી 10 કિલોમીટર દૂર મોહાલીમાં જે ડબલ્યુ મેરિયટ હોટેલના માલિક હરપાલસિંહે ફકત 48કલાકની અંદર 10 માળની ફેબ્રિકેટેડ બિલ્ડિંગ ઊભી કરી દીધી હતી , જે રેકોર્ડ છે . ભારતમાં અત્યાર સુધી આટલા ઓછા સમયમાં કોઈ બહુમાળી ઈમારત તૈયાર નથી થઈ શકી .  ફેબ્રિક ટેકનીકનો ઉપયોગ વિન્ડ ટરબાઈન ,બુલેટપ્રુફ હેલમેટ , જેકેટ , બૂટ , ૨મખાણોમાં સુરક્ષા માટેનું કવચ વગેરેમાં થઈ રહ્યો છે . ભારતીય લશ્કર આ ટેકનીકનો ઉપયોગ સખત કવચવાળા તંબુ અને પુલ બનાવવામાં પણ કરી રહ્યા છે . આ ટેકનીકથી હૃદયના વાલ્વ અને આંખના કોર્નિયા પણ બનાવવામાં આવશે . એટલું જ નહિ આ ટેકનીકથી સેલ્ફ ક્લિનિંગ એટલે કે એવા કપડા જેને પાણીથી ધોતા જ એના ડાઘ - ધબ્બા સાફ થઈ જાય એ પણ બનાવી શકાશે . આવા કપડા પહેરવાથી ચામડીના કોઈ રોગ પણ નહિ થાય . હાલના સમયમાં એવા જ કપડાં રાતે ચમકી શકે છે જેમાં રેડિયમનો ઉપયોગ કરવામાં આવ્યો હોય . પણ હવે આ ટેકનીકથી તૈયાર કરાયેલા કપડાં રાતે ચમકશે , રેડિયમથી બનેલા કપડાં એની ઉપર પ્રકાશ પડે તો જ ચમકે છે , જ્યારે નેનો ટેકનીકથી બનેલા આ કપડા રાતમાં પણ દૂરથી ચમકશે . આ ટેકનીકથી સાધારણ કપડાં પણ ચમકી શકશે .