ટેલિવિઝન સિલિંગ ફેન , DVD પ્લેયર , મ્યુઝિક સિસ્ટમ વગેરે રિમોટ ઘણી વાર કામ ન આપે ત્યારે તેને હથેળી પર સહેજ ઠપકારો તો પાછા કેમ ચાલું થઈ જાય છે ?

 ટેલિવિઝન  સિલિંગ ફેન , DVD પ્લેયર , મ્યુઝિક સિસ્ટમ વગેરે રિમોટ  ઘણી વાર કામ ન આપે ત્યારે તેને હથેળી પર સહેજ ઠપકારો તો પાછા કેમ ચાલું થઈ જાય છે ?

ટેલિવિઝનનું રિમોટ કન્ટ્રોલ ઇન્ફારેડ ( અધોરક્ત ) . LED સંકેતો મોર્સ કોડની જેમ પ્રસારિત કરે છે , પણ તે મોર્સના ( . ) ડોટ તથા ( - ) ડેશને બદલે 0 અને 1 ના ડિજિટલ સ્વરૂપના હોય છે . એક રીતે જોતાં તેમને મોર્સ કોડ જેવા ગણી પણ શકીએ , કેમ કે તેઓ અનુક્રમે ડોટની માફક ટૂંકા અને ડેશની માફક લાંબા હોય છે . ટેલિવિઝનમાં રહેલું પ્રોસેસર તેમના કોમ્બિનેશનને ઓળખી કાઢી ચોક્કસ કમાન્ડનો અમલ કરે છે . ટેલિવિઝન ઉપરાંત સિલિંગ ફેન , DVD પ્લેયર , મ્યુઝિક સિસ્ટમ વગેરે ઉપકરણોનું પણ સંચાલન કરતા યુનિવર્સલ રિમોટ કન્ટ્રોલ દરેક ઉપકરણ માટેનો ખાસ કોડ ધરાવે છે .

 રિમોટ પર એ દરેકને લગતું જુદું પુશબટન હોય છે , માટે ગૂંચવાડો થતો નથી . રિમોટ કન્ટ્રોલમાં બેટરી સાથેના કોન્ટેક્ટ સામાન્ય રીતે પિત્તળના બનેલા હોય છે . હવા માંહ્યલા ઓક્સિજનના સંસર્ગમાં તે ધાતુ ઓક્સિડાઇઝ થાય છે . લોખંડને જેમ કાટ લાગે તેમ પિત્તળના કોન્ટેક્ટ પર ઓક્સાઇડનું પડ ચડે છે , એટલે વિદ્યુત સરકિટ વિક્ષેપ પામે છે . રિમોટ કન્ટ્રોલને સહેજ ઠપકારો ત્યારે ભીતરી બેટરીની હિલચાલ કોન્ટ્રેક્ટ પરના ઓક્સાઈડ પડ ને ધસી કાઢે છે અને સરકીટ ફરીથી કાર્યરત થઇ છે.