US માં ૧૨૫ સર્પ વચ્ચેથી મૃત વ્યક્તિને બહાર કાઢતા પોલીસ પણ ફફડી ગઈ

 US માં ૧૨૫ સર્પ વચ્ચેથી મૃત વ્યક્તિને બહાર કાઢતા પોલીસ પણ ફફડી ગઈ

 અમેરિકાના મેરિલેન્ડમાં ૪૯ વર્ષનો એક વ્યક્તિ તેના ઘરમાંથી મૃત હાલતમાં મળી આવ્યો હતો . જો કે ઘરમાં તે એકલો ન હતો , તેની સાથે ઝેરીલા કોબ્રા અને બ્લેક મામ્બાસ સહિત ૧૨૫ સર્પ તેની આસપાસ છુટ્ટા ફરી રહ્યા હતાં . વાસ્તવમાં પોલીસને પડોશીઓએ માહિતી આપી હતી કે તે વક્તિ ઘરની અંદર બેહોશ પડેલો છે . તે પછી જ્યારે પોલીસ તે વ્યક્તિના ઘરમાં ગઈ તો ત્યાંનું દશ્ય જોઈને પોલીસ પણ ફફડી ગઈ હતી . આ વ્યક્તિની આસપાસ અસંખ્ય ઝેરીલા સાપ ફરી રહ્યા હતાં . પોલીસે તપાસ કરી ત્યારે જાણ થઈ હતી કે વ્યક્તિ બેભાન નહીં પણ મૃત્યુ પામ્યો હતો . પોલીસે તરત એનિમલ કન્ટ્રોલ ટીમને બોલાવી હતી . ટીમે આ ઘરમાંથી કુલ ૧૨૫ સાપને પકડ્યા હતાં .