મોંઘવારીમાં થોડું વિચારીએ
આજે ગેસ- કેરોસીન- શાકભાજી વગેરે મોંઘા થયા છે, જેનાથી જનતા ત્રાસી ગઈ છે. મોંઘવારીનો દર ધીમે ધીમે આગળ વધતો જાય છે. છતાં જીવીએ છીએ તે મહત્ત્વનું છે. જોકે મોંઘવારીની રાડ પાડવી વાજબી છે. સરકારે આ અંગે પગલાં લેવાં જોઈએ. પણ આ અંગે આપણો પણ થોડો દોષ છે. આપણી જીવનશૈલીના કારણે આપણી મુશ્કેલી વધી છે. આ અંગેના થોડા પ્રશ્નો વિચારીએ તો જવાબ મળી જશે.
( ૧) વારંવાર બહારનું ફાસ્ટ ફૂડ ખાવું ગમે છે. (૨) દરરોજ નવાં કપડાં પહેરવા જોઈએ છે. (૩) વર્ષમાં ૩ થી ૪ જોડની સામે ૧૫ થી ૨૦ જોડ કપડાની જરૂરિયાત ઊભી થઈ છે.
(૪) ઘરના દરેક સભ્યોને મોબાઈલની જરૂરત છે.
( ૫) દરેક રૂમોમાં ટી.વી.ની જરૂર છે.
( ૬) સાડીઓનો ત્યાગ કરી મોંઘામાં મોંઘા ડ્રેસો પહેરવાનું શરૂ થયું.
( ૭) ગેસનો ભરપૂર ઉપયોગ વધ્યો.
( ૮) બારે માસ ગરમ પાણીથી નહાવાનો શોખ થયો.
(૯) દાંત સાફ કરવા હળદર + મીઠા સિવાય કોઈ દવા નથી, છતાં પણ મોંઘામાં મોંઘી પેસ્ટ વાપરવાનું શરૂ થયું.
( ૧૦) ચણાના લોટથી વિશેષ કોઈ સાબુ નથી, તેની સામે મોંઘામાં મોંઘા સિન્થેટિક સાબુનો ઉપયોગ વધ્યો.
(૧૧) સિન્થેટિક તથા સુગંધિત સાબુથી શરીરનો કલર કાળો પડે છે.
(૧૨) સામાન્ય બીમારીમાં પણ એમ.ડી. જેવા ડૉકટર પાસે જવાનો આગ્રહ રાખવામાં આવે છે.
(૧૩) દરરોજની ફક્ત ૧૦ મિનિટની કસરત કરવાનો સમય નથી ફાળવી શકતા.
(૧૪) ફેશનને હિસાબે જિમમાં અથવા જિમખાનાનો ઉપયોગ વધ્યો.
જો ઉપરોકત મુદ્દાઓમાંથી ૫ થી ૬ મુદ્દાનો અમલ કરવામાં આવશે તો બચત થશે અને ગમે તેવી મોંઘવારીમાં સરળતા રહેશે.
– ખેતસી વી. મૈઠીયા સત્યમ, ક્રીષ્નનગર, દેવ એપાર્ટમેન્ટ સામે, વેરાવળ-362265
Comments