નવા એન્ડ્રોઇડ સ્માર્ટફોનમાં ગૂગલ એપ્સ ઘટવાની શક્યતાઓ છે.

 નવા એન્ડ્રોઇડ સ્માર્ટફોનમાં ગૂગલ એપ્સ ઘટવાની શક્યતાઓ છે.

ગ્લોબલ ટેક કંપની ગૂગલની સામે છેલ્લા એક વર્ષથી કોમ્પિટિશન કમિશન ઓફ ઇન્ડિયા (CCI)ના નિર્ણયનો દેશમાં એન્ડ્રોઇડ ડિવાઇસ પર અસર પડી શકે છે. આ નિર્ણયથી ગૂગલે દેશમાં સેમસંગ અને શાઓમી જેવા ઓરિજિનલ ઇક્વિપમેન્ટ મેન્યુફેક્ચર્સ (OEM) ની સાથે પોતાના સોફ્ટવેર લાઇસન્સિંગ એગ્રીમેન્ટને સુધારવું પડશે. એક રિપોર્ટના જણાવ્યા પ્રમાણે ડિવાઇસ મેન્યુફેક્ચરર્સ સ્માર્ટફોન, ટેબલેટ્સ જેવી એન્ડ્રોઇડ ડિવાઇસીસને દેશના ગ્લોબલ મોબાઇલ એપ્લિકેશન ડિસ્ટ્રીબ્યુશન લાઇસન્સ(MADA) હેઠળ રિલીઝ કરી શકે છે અથવા નવા IMADA લાઇસન્સની પસંદગી કરી શકે છે.

 એવું પણ કહેવામાં આવે છે કે, IMADA ભારતમાં જરૂરિયાતોને અનુરૂપ બનાવેલો એગ્રીમેન્ટ છે જેમાં OEM પ્રત્યેક નવા એન્ડ્રોઇડ ફોનની સાથે આવનાર ગૂગલ ૧૧ એપ્સને પ્રી-ઇન્સ્ટોલેશનથી નિકાળવાનું પસંદ કરી શકે છે. IMADA હેઠળ સર્ચ બાર, ગૂગલ એપ્સના ફોલ્ડર પણ ડિવાઇસની હોમસ્ક્રીન પર રાખવાની જરૂર નથી. દેશમાં ૬૦ કરોડ સ્માર્ટફોન્સમાં લગભગ ૯૭ ટકા એન્ડ્રોઇડ પર ચાલે છે. CCIએ ગૂગલને ચલાવનાર અમેરિકન કંપની Alphabet Inc પર એન્ડ્રોઇડ માર્કેટમાં પોતાની દબદબાવાળી સ્થિતિનો ખોટો ઉપયોગ કરીને ગત વર્ષે ઓક્ટોબરમાં લગભગ ૧૬.૧ કરોડ ડૉલરનો દંડ ફટકાર્યો હતો. જ્યારે કંપનીએ આ સામે નેશનલ કંપની લૉ અપીલેટ ટ્રિબ્યુનલ (NCLAT)માં અપીલ કરી હતી.