🌱 ભાવપર ગામમાં વૃક્ષારોપણ કાર્યક્રમ – હરિયાળા ભાવિ તરફ એક સુંદર પગલું 🌳

 🌱 ભાવપર ગામમાં વૃક્ષારોપણ કાર્યક્રમ – હરિયાળા ભાવિ તરફ એક સુંદર પગલું 🌳

ભાવપર ગામમાં પર્યાવરણ પ્રત્યે જાગૃતિ વધારવા અને ગામને વધુ હરિયાળું બનાવવા માટે વૃક્ષારોપણ કાર્યક્રમનું આયોજન કરવામાં આવે છે. આ કાર્યક્રમમાં ગામના આગેવાનો, યુવાનો, વડીલો અને ગ્રામજનો ઉત્સાહપૂર્વક જોડાયા છે.

ભાવપર ગામમાં આવવા માટે સાત રસ્તાઓ છે. ગામ તરફ આવતા કોઈપણ રસ્તે આગળ વધો તો રસ્તાની આસપાસ વર્ષો જૂનાં લીલાછમ વૃક્ષો નજરે પડે છે. ગામની ઓળખ તેની કુદરતી હરિયાળી સાથે પણ જોડાયેલી છે. ગામના તળાવની આસપાસની આખી પાળ પર પીપળા, લીમડા અને વડ જેવા વૃક્ષો આજે પણ કુદરતી સૌંદર્યમાં વધારો કરે છે.

ગામમાં અનેક જૂના વાડાઓ અને વિસ્તારોમાં પણ વર્ષોથી ઉછરેલા વડ, લીમડા અને પીપળા જેવા વૃક્ષો જોવા મળે છે. આ વૃક્ષો માત્ર છાંયો જ નથી આપતા, પરંતુ ગામના પર્યાવરણને પણ સમૃદ્ધ બનાવે છે.

આજે ભાવપરના લોકો નવા બગીચા બનાવીને પણ હરિયાળી વધારવા માટે આગળ આવી રહ્યા છે. વૃક્ષારોપણમાં યુવાનોની સાથે વડીલો અને બાળકો પણ જોડાઈ રહ્યા છે.

“એક વૃક્ષ, અનેક શ્વાસ”ના સંદેશ સાથે ભાવપર ગામ હરિયાળું, સ્વચ્છ અને સુંદર ભવિષ્ય બનાવવાનો સંકલ્પ લઈ રહ્યું છે. 🌿